अयोध्येतील राम मंदिराचा उद्घाटन सोहळा सोमवारी (22 जानेवारी) रोजी मोठ्या उत्साहात पार पडला. रामलल्लाच्या प्राणप्रतिष्ठेसाठी देशभरातील लाखो हिंदू अयोध्येत उपस्थित झाले होते. तसेच भारतीय नागरिकांनी संपूर्ण देशभरात दिवे, भगवे झेंडे लावून आनंद साजरा केला.
अयोध्येतील राम मंदिराच्या सोहळ्यात अनेक दिग्गज कलाकार, खेळाडू तसेच नेत्यांना देखील आमंत्रित करण्यात आलं होतं. ज्यात अमिताभ बच्चन, अनुपम खेर, रणदीप हुड्डा, विक्की कौशल, कतरिना कैफ, रणबीर कपूर, आलिया भट्ट, माधुरी दीक्षित, हेमा मालिनी, रजनीकांत यांसारखे बरेच कलाकार होते. तसेच जे कलाकार अयोध्येत जाऊ शकले नाहीत त्यांनी घरातून तसेच इतर मंदिरात जाऊन हा आनंद साजरा केला. बॉलिवूड अभिनेत्री सारा अली खानने देखील शिव मंदिरात जाऊन हा आनंद साजरा केला.
शिव मंदिरात जाऊन सारा अली खानने केली पूजा
View this post on Instagram
सारा अली खान अनेकदा महादेवांच्या विविध तीर्थक्षेत्रांना भेट देताना दिसते. नुकतेच सारा अली खानने औरंगाबादच्या घृष्णेश्वर मंदिरात जाऊन दर्शन घेतले. हे फोटो सारा अली खानने सोशल मीडियावर शेअर केले आहेत. यावेळी साराने सिंपल लूक केला होता. हे फोटो पाहून चाहते साराचं खूप कौतुक करत आहेत.
शिव मंदिरात गेल्याने सारा ट्रोल
अनेकजण साराचं कौतुक करत असले तरी काही मुस्लिम युझर्स साराला ट्रोल करताना दिसत आहेत. एकाने कमेंटमध्ये लिहिलंय की, “तू मुस्लिम असून हिंदू मंदिरात का जातेस.. तू अल्लाहला काय उत्तर देणार?” तर दुसऱ्याने लिहिलंय की, “मुस्लिमच्या नावावर डाग आहेस तू” तसेच इतरही अनेकांनी तिला धर्मावरुन ट्रोल केलं आहे.
