सर्वत्र दिवाळीचा आनंद आणि उत्साह पाहायला मिळत आहे. दिवाळीच्या पहिल्या दिवसाला खूप महत्व असते. या दिवशी गणपतीची आणि लक्ष्मीची पूजा केली जाते. दिवाळीच्या पहिल्या दिवशी माता लक्ष्मीची पूजा केल्याने लक्ष्मी घरात प्रवेश करते. देवीचा वास घरात असतो. पण आजच्या दिवशी म्हणजेच दिवाळीच्या पहिल्या दिवशी असे काही खास योग तयार होतात जे तुमच्यासाठी खूपच लाभदायी ठरतात.
यावर्षी दिवाळीत पाच राजयोग तयार होत आहेत. यामध्ये मालव्य, शशा, गजकेसरी, हर्ष आणि विमल योग यांचा समावेश होतो. दुसरीकडे, गुरु, शुक्र, शनि आणि बुध हे ग्रह त्यांच्या स्वतःच्या चिन्हांमध्ये उपस्थित आहेत. त्याचबरोबर शनीची दृष्टी गुरुवर राहील. अशा परिस्थितीत दिवाळीच्या दिवशी खरेदी, व्यवहार, गुंतवणूक आणि नवीन कामे सुरू करणे खूप शुभ राहील. जाणून घ्या कोणत्या राशींवर हा राजयोग लाभदायी ठरणार
कुंभ रास –
दिवाळीच्या दिवशी तयार होणारे हे 5 राजयोग या राशीच्या व्यक्तींच्या करिअर आणि व्यवसायात प्रगती साठी विशेष लाभदायी ठरणार आहेत. या काळात तुम्ही आर्थिकदृष्ट्या मजबूत रहाल. तुमची रखडलेली कामे पूर्ण होतील. या काळात व्यवसायात चांगला फायदा होऊ शकतो. एवढेच नाही तर व्यवसायात गुंतवणूक करण्यासाठी सुद्धा हा काळ अनुकूल आहे. जर कोणी वाहन, जमीन, इमारत इत्यादी खरेदी करण्याचा विचार करत असेल तर या काळात विचार करता येईल.
सिंह रास –
दिवाळीत 5 राजयोग तयार होत असल्याने या राशीच्या लोकांना प्रत्येक कामात यश मिळेल. अडकलेले पैसे परत मिळू शकतात. त्याचबरोबर नोकरदारांचे उत्पन्न वाढेल. इतकेच नाही तर यावेळी मुलांच्या बाजूने चांगली बातमी मिळू शकते. त्याच वेळी, जर तुम्ही शेअर्स किंवा लॉटरीमध्ये पैसे गुंतवण्याचा विचार करत असाल तर ही वेळ अनुकूल आहे. या दरम्यान जे लोक स्पर्धा परीक्षांमध्ये भाग घेतात त्यांनाही यश मिळू शकते. त्याचबरोबर या काळात दीर्घ आजारापासून आराम मिळू शकतो.
तूळ रास –
ज्योतिष शास्त्रानुसार यावेळी दिवाळी तुमच्यासाठी आनंद घेऊन येणार आहे. या राशीच्या लोकांसाठी आजपासून चांगले दिवस सुरू होत आहेत. त्यामुळे या काळात व्यवसायात चांगला फायदा होऊ शकतो. या दरम्यान, एक मोठा व्यावसायिक करार केला जाऊ शकतो. कामानिमित्त लहान – मोठे प्रवासाचे योग्य संभवतात.
हे ही वाचा – भाऊबीज का साजरी केली जाते? काय आहे यमराज आणि यमुनेची कथा