Corona Update: राज्यात २४ तासांत ८,३०८ नवे रूग्ण; २५८ जणांचा मृत्यू

राज्यातील कोरोनाबाधितांचा आकडा दिवसेंदिवस वाढत असून गेल्या २४ तासांत ८ हजार ३०८ नव्या रूग्णांची नोंद राज्यात करण्यात आली आहे. तर दिवसभरात २५८ जणांना कोरोनाने बळी गेला आहे. यामुळे राज्यात आतापर्यंत एकूण २ लाख ९२ हजार ५८९ जणांना कोरोनाची लागण झाली आहे. तसेच आज दिवसभरात २ हजार २१७ कोरोना रूग्णांना रूग्णालयातून डिस्चार्ज देण्यात आला आहे. त्यामुळे राज्यात आजपर्यंत एकूण १ लाख ६० हजार ३५७ करोना बाधित रुग्ण बरे होऊन घरी परतले आहेत.

8,308 new #COVID19 positive cases and 258 deaths have been reported in Maharashtra today. Total number of positive cases rise to 2,92,589 including 1,60,357 recovered cases, 1,20,480 active cases and 11,452 deaths: State Health Department pic.twitter.com/1ZwErCUuBv

— ANI (@ANI) July 17, 2020

आतापर्यंत एकूण १ लाख ६० हजार ३५७ रूग्णांनी कोरोनावर मात केली आहे. राज्याचा कोरोना रूग्ण बरे होण्याचा रिकव्हरी रेट (Recovery Rate) हा ५४.८१ टक्के इतका झाला आहे. यासह राज्यात आज २५८ करोना बाधित रुग्णांच्या मृत्यूंची नोंद करण्यात आल्याने सध्या राज्यातील मृत्यूदर ३.९१% एवढा झाला असल्याचे सांगण्यात येत आहे.

आजपर्यंत तपासण्यात आलेल्या १४ लाख ८४ हजार ६३० प्रयोगशाळा नमुन्यांपैकी २ लाख ९२ हजार ५८९ (१९.४३ टक्के) कोरोना नमुने पॉझिटिव्ह आले आहेत. दरम्यान, सध्या राज्यात ७ लाख २४ हजार ६०२ व्यक्ती होमक्वारंटाईनमध्ये आहेत तर ४४ हजार २८४ व्यक्ती संस्थात्मक क्वारंटाईनमध्ये आहेत. तर राज्यात आज एकूण १ लाख २० हजार ४८० ऍक्टिव्ह रुग्ण आहेत.

राज्यातील जिल्हा निहाय रुग्णांचा तपशील

दिलासादायक! भारतात कोरोना लसीची मानवी चाचणी सुरू!