आधार कार्ड हे भारतीय नागरिकांसाठी एक महत्त्वाचा पुरावा बनला आहे. सरकारी असो वा खाजगी सर्व कामात हे दस्तऐवज आवश्यक आहे. आधार कार्डवर कार्डधारकाची सर्व आवश्यक माहिती जसं की नाव, फोटो, जन्मतारीख, पत्ता आदींची नोंद केली जाते. आधार कार्ड UIDAI द्वारे जारी केले जाते. या दस्तऐवजाचे महत्त्व लक्षात घेऊन UIDAI ने आधारचे अनेक प्रकार जारी केले आहेत. त्यामुळेच आधार कार्ड अपडेट करणेही आवश्यक आहे. पण यासाठी आधी २५ ते ५० रुपये भरावे लागत होते. मात्र आता हे काम अगदी मोफत करता येणार आहे. पण, यासाठी एक अट आहे.
यूनिक आईडेंटिफिकेशन अथॉरिटी ऑफ इंडिया (UIDAI) ने १५ मार्च २०२३ ते १४ जून २०२३ पर्यंत कोणत्याही शुल्काशिवाय आधार अपडेट करण्याची सुविधा दिली आहे. नाव नोंदणीच्या तारखेपासून १० वर्षे पूर्ण झाल्यावर कार्डधारकाला त्याचे आधार कार्ड अपडेट करणं गरजेचं आहे.
महत्त्वाची बाब म्हणजे, आधार-पॅन कार्ड लिंक करण्याची अंतिम तारीख ३१ मार्च आहे. यासोबतच ज्यांनी १० वर्षांपासून आधारमध्ये कोणतेही बदल केलेले नाहीत, त्यांनी त्यांचं आधार कार्ड अपडेट करुन घ्यावं, यासाठी UIDAI प्राधिकरण सातत्याने माहिती देत आहे. UIDAI ने आपल्या ट्विटर हँडलवर यासंबंधीची पोस्ट देखील शेअर केली आहे.
If your #Aadhaar had been issued 10 years ago & had never been updated – you may now upload Proof of Identity & Proof of Address documents online at https://t.co/CbzsDIBUbs ‘FREE OF COST’ from 15 March – June 14, 2023.@ceo_uidai @GoI_MeitY @PIB_India @_DigitalIndia @mygovindia pic.twitter.com/CK03dCNFRF
— Aadhaar (@UIDAI) March 15, 2023
ही सेवा केवळ आधार पोर्टलवर मोफत आहे आणि भौतिक आधार केंद्रांवर पूर्वीप्रमाणेच ५० रुपये आकारले जातील. काही दिवसांपूर्वी UIDAI ने सांगितले होते की जर तुमचा आधार १० वर्षांपूर्वी बनवला गेला असेल आणि तो अपडेट केला गेला नसेल, तर तुम्हाला तुमचा ‘ओळखचा पुरावा’ आणि ‘पत्त्याचा पुरावा’ सबमिट करण्याची विनंती केली जाते. त्याची पुन्हा पडताळणी करा. कागदपत्रे अपलोड करून. त्यानंतर ऑनलाइन अपलोड करण्यासाठी २५ रुपये आणि ऑफलाइनसाठी ५० रुपये शुल्क ठेवण्यात आले होते, ते आता माफ करण्यात आले आहे.
