मुंबई झोनच्या पूर्व मुंबई जीएसटी आयुक्तालयाने ४०.५ कोटी रुपयांचा जीएसटी चुकवल्याचे प्रकरण उघडकीस आणले आहे. तसेच कर चुकवणाऱ्या वझीर एक्स या क्रिप्टोकरन्सी एक्स्चेंजवर कारवाई केली आहे. जीएसटी कर,व्याज आणि दंडाची रक्कम म्हणून आयुक्तालयाने ४९.२० कोटी रुपये रोख रकमेच्या स्वरुपात वसूल केले आहेत. वझीर एक्स हे विनिमय केंद्र मेसर्स झानमाई लॅब्ज प्रा लि. कडून चालवले जाते तर डब्लूआरएक्स हे क्रिप्टोकरन्सी चलन मेसर्स बिनान्स इन्वेस्टमेंट कंपनी लिमिटेड या सेशेल्समधील कंपनीच्या मालकीचे आहे. झानमाई लॅब्जने डिसेंबर २०१७ मध्ये स्थानिक क्रिप्टोकरन्सी स्टार्ट अप म्हणून वझीर एक्सची नोंदणी केली होती.
वझीर एक्स क्रिप्टोकरन्सी एक्स्चेन्ज हे विनिमय केंद्र व्यापाऱ्याला रुपये किंवा डब्लूआरएक्समध्ये व्यवहार करण्याचा पर्याय उपलब्ध करून देते. वझीरएक्स प्लॅटफॉर्मकडून डब्लूआरएक्स खरेदी करावे लागते. या विनिमय केंद्राकडून ग्राहक आणि विक्रेता या दोघांकडूनही कमिशनची आकारणी केली जात होती आणि रुपयावरील व्यवहारावर ०.२ टक्के तर डब्लूआरएक्स वर ०.१ टक्के आकारणी होत होती.
Mumbai #GST Commissionerate detects ₹ 40.5 crore GST evasion by #Cryptocurrency Exchange #WazirX
Recovers ₹ 49.20 Crores in cash pertaining to #GST evaded, interest and penalty
📘https://t.co/5oo8BjO4ic pic.twitter.com/i24N7ocF61
— PIB in Maharashtra 🇮🇳 (@PIBMumbai) December 31, 2021
ट्रेडींग शुल्क, डिपॉझिट शुल्क आणि विथड्रॉवल शुल्क म्हणून ही कंपनी कमिशनमधून मोठ्या प्रमाणावर महसूल जमा करत होती असे चौकशीत आढळले. ही कंपनी रुपयावर मिळालेल्या कमिशनवर जीएसटी भरत होती मात्र डब्लूआरएक्स चलनावर मिळालेल्या कमिशनवर जीएसटी भरत नसल्याचे दिसून आले.
या व्यवहारावरील शुल्क म्हणून १८ टक्के दराने जीएसटी लागू होतो. अशा प्रकारे सुमारे ४०.५ कोटी रुपयांचा जीएसटी भरला गेला नव्हता. हा कर आणि व्याज आणि दंडासह एकूण ४९.२ कोटी रुपये रोख रकमेच्या स्वरुपात वझीरएक्सकडून जागीच वसूल करण्यात आले. याप्रकरणी पुढील तपास सुरू आहे.
मुंबई झोनच्या सीजीएसटी विभागाचे अधिकारी ई कॉमर्स, ऑनलाईन गेमिंग, नॉन फंजीबल टोकन आणि इतर उदयोन्मुख क्षेत्राशी निगडित व्यावसायिक व्यवहारांचा तपास त्यांच्याकडून होणाऱ्या संभाव्य करचुकवेगिरीची शक्यता लक्षात घेऊन अधिक काळजीपूर्वक करत आहेत. मुंबई झोन अंतर्गत येणाऱ्या सर्व क्रिप्टोकरन्सी विनिमय केंद्रांची तपासणी सीजीएसटी विभाग करणार असून आगामी काळात ही मोहीम अधिक तीव्र केली जाणार आहे
हेही वाचा : Nawab Malik: फर्जीवाडाविरुद्ध लढाई सुरुच राहणार, नवाब मलिकांनी दिल्या नववर्षाच्या हटके शुभेच्छा