धर्मशाळा : श्रेयस अय्यर सध्या त्याच्या कारकिर्दीच्या सर्वोत्तम टप्प्यावर आहे. तिसऱ्या T-20 (India vs Sri Lanka) मध्ये त्याने 45 चेंडूंत नाबाद 73 धावा केल्यात. तसेच 9 चौकार आणि एक षटकार लगावलाय. त्याच्या या शानदार खेळीच्या जोरावर भारताने हा सामना 6 गडी राखून जिंकला आणि मालिकेत 3-0 अशी आघाडीही घेतली. श्रीलंकेने प्रथम खेळताना 5 विकेट गमावत 146 धावा केल्या होत्या. पण भारताने 16.5 षटकांत 4 विकेट्स मिळवल्या. अय्यर संपूर्ण मालिकेत नाबाद राहिला आणि त्याने सर्व 3 सामन्यांमध्ये अर्धशतके झळकावली. T-20 आंतरराष्ट्रीय सामन्यांमध्ये भारताचा हा सलग 12 वा विजय आहे. आता भारत आणि श्रीलंका यांच्यातील 2 सामन्यांची कसोटी मालिका 4 मार्चपासून सुरू होणार आहे.
श्रेयस अय्यरने या मालिकेत 117 चेंडूंचा सामना करत 204 धावा केल्या. स्ट्राइक रेट 174 च्या आसपास होता, जो खूप चांगला आहे. त्याने 20 चौकार आणि 7 षटकार मारले. म्हणजेच चौकार मारून 122 धावा केल्या. पहिल्या T20 मध्ये त्याने 28 चेंडूंत नाबाद 57 धावा केल्यात. त्यानंतर दुसऱ्या टी-20मध्ये 44 चेंडूंत 74 धावा केल्या आणि नाबाद राहिला. या मालिकेत विराट कोहलीला विश्रांती देण्यात आल्यामुळे त्याचे तीन डावही महत्त्वाचे होते. अशा स्थितीत अय्यरला क्रमांक-3 वर खेळण्याची संधी मिळाली. अय्यरला प्लेअर ऑफ द सिरीजचा पुरस्कार मिळाला.
प्रथमच फलंदाजाने 200 पेक्षा जास्त धावा केल्या
श्रेयस अय्यरने 3 सामन्यांच्या T20 I मालिकेत 204 धावा केल्यात. तीन सामन्यांच्या मालिकेत पहिल्यांदाच भारतीय फलंदाजाने 200 धावांचा टप्पा गाठला. यापूर्वी विराट कोहलीने 2016 मध्ये ऑस्ट्रेलियाविरुद्धच्या 3 सामन्यांच्या मालिकेत 199 धावा केल्या होत्या. यादरम्यान त्याने 3 अर्धशतकेही झळकावली आणि त्याचा स्ट्राईक रेट 160 होता. श्रीलंकेविरुद्धच्या कसोटी मालिकेसाठी श्रेयस अय्यरलाही संघात स्थान मिळाले. ही कामगिरी त्यांना कसोटी मालिकेतही कायम ठेवायची आहे.
32 डावांत 6 अर्धशतके
श्रेयस अय्यरच्या T-20 आंतरराष्ट्रीय सामन्यातील कामगिरीवर नजर टाकली तर त्याने 32 डावांमध्ये 37 च्या सरासरीने 809 धावा केल्यात आणि 6 अर्धशतके लगावलीत. त्याने नाबाद 74 धावांची सर्वात मोठी खेळी खेळली. याच मालिकेत त्याने ही धावसंख्या उभी केली. या दरम्यान त्याचा स्ट्राइक रेट 141 आहे. एकूण T-20 मध्ये त्याने 2 शतके आणि 28 अर्धशतके केली आहेत. त्याने 2 कसोटी सामन्यात 51 च्या सरासरीने 202 धावा केल्यात, तर 26 एकदिवसीय सामन्यांमध्ये 41 च्या सरासरीने 927 धावा केल्यात.
हेही वाचाः Vinod Kambli Arrested : माजी क्रिकेटपटू विनोद कांबळीला अटक अन् जामीन, नेमकं प्रकरण काय?
