भारताची पॅरा-टेबल टेनिसपटू सोनलबेन पटेलला टोकियो पॅरालिम्पिक स्पर्धेतील महिला एकेरीच्या क्लास ३ मध्ये पराभवाचा सामना करावा लागला. तिला दक्षिण कोरियाच्या ली मी-ग्युने ३-१ (१०-१२, ११-५, ११-३, ११-९) असे पराभूत केले. सोनलबेनने या सामन्याची चांगली सुरुवात करताना पहिला गेम जिंकला. परंतु, त्यानंतरच्या तीन गेममध्ये तिला चांगला खेळ करता आला नाही. त्याआधी बुधवारी सलामीच्या लढतीत तिचा चीनच्या क्वीन लीने २-३ (९-११, ११-३, १५-१७, ११-७, ११-४) असा पराभव केला होता.
A powerful show from #KOR‘s Lee Mi-Gyu 💪#IND‘s Sonalben Patel goes down fighting and misses out on qualifying for the Round of 16 after a 3-1 (12-10, 5-11,3-11, 9-11) defeat in Class 3 of #ParaTableTennis#Tokyo2020 #Paralympics @sonup123
— #Tokyo2020 for India (@Tokyo2020hi) August 26, 2021
भाविना पटेलची आगेकूच
गुरुवारी, भारताच्याच भाविना पटेलला मात्र विजय मिळवण्यात यश आले. तिने महिला एकेरी क्लास ३ च्या ‘अ’ गटात ग्रेट ब्रिटनच्या मेगन शॅकलटनवर ३-१ अशी मात केली. भाविनाने हा सामना ११-७, ९-११, १७-१५, १३-११ असा जिंकला. या सामन्याचा पहिला गेम जिंकल्यानंतर दुसरा गेम भाविनाने गमावला. परंतु, तिने पुन्हा खेळ उंचावत चुरशीच्या तिसऱ्या गेममध्ये १७-१५ अशी बाजी मारली. चौथ्या गेममध्ये शॅकलटनला विजयाची संधी होती. मात्र, भाविनाने दमदार पुनरागमन करत हा गेम १३-११ असा जिंकत स्पर्धेत आगेकूच केली.
#TableTennis #Paralympics #Tokyo2020 @BhavinaPatel6 through to the knockout stages!
Defeats Megan Shackleton 🇬🇧 by
3-1 in in Class 4, Group A match.Score 11-7, 9-11,17-15,13-11 #Cheer4India 🇮🇳 #Praise4Para
Keep going Bhavina ! 👏👏 pic.twitter.com/Qu05aL7B0A— Dept of Sports MYAS (@IndiaSports) August 26, 2021
हेही वाचा – कोलकाता नाईट रायडर्स संघात कमिन्सची जागा घेणार न्यूझीलंडचा ‘हा’ खेळाडू
