आपल्या देशात सामाजिक कार्य करणारी अनेक लोक आणि अनेक समाजसेवी संस्था आहेत. त्यातीलच एक आहे ‘मिसाल मुंबई’ ही संस्था. या संस्थेने पुणे शहरातील झोपडपट्ट्यांच्या सुशोभिकरणाचे काम नुकतेच पार पाडले. ‘मिसाल मुंबई’ या संस्थेने ‘नागी आर्ट फाउंडेशन’ या एनजीओच्या साहाय्याने हा अनोखा उपक्रम राबवला. नागी आर्ट फाउंडेशनच्या संस्थापिका रुबल नागी आणि त्यांच्या टीमने या विशेष उपक्रमांतर्गत सदर झोपडपट्टीचा चेहरा-मोहराच बदलून टाकला. या कामाविषयी एएनआय वृत्तसंस्थेशी बोलतना रुबल नाही म्हणाल्या की, ‘या वस्तीतील लोकांशी आर्ट अर्थात कलेच्या माध्यमातून जोडलं जावं अशी माझी इच्छा होती. झोपड्यांचा रंग बदलण्यासोबतच इथल्या लोकांच्या मानसिकतेमध्येही बदल घडवून आणणं, त्यांचा दृष्टीकोन बदलणं हा आमचा मूळ उद्देश होता.’
Rouble Nagi: When I paint 20 walls here, 200 people come & stand with me. If I go to their home as a social activist&try to help, they’ll have that speculation that who is she. So we start with colouring, they come out of their homes, & that’s when we tell them what we want to do pic.twitter.com/68WTKYReVd
— ANI (@ANI) March 7, 2019