आपण बरेचदा असे व्हिडिओ पाहतो ज्यामध्ये एखादी वस्तू किंवा माणूस एकाजागी स्थिर असतो, पण त्याच्या आजूबाजूच्या किंवा पाठीमागच्या गोष्टी वेगाने हलत असतात. उदाहरण द्यायचं झाल्यास वेगाने होणारा सूर्योदय, सूर्यास्त किंवा रस्त्यावर धावणाऱ्या गाड्या किंवा मग वेगाने पुढे-पुढे सरकणारे ढग. अशाप्रकारच्या व्हिडिओंना ‘टाईम लॅप्स’ व्हिडिओ म्हटलं जातं. काही चित्रपटांमध्येही तुम्ही अशाप्रकारची दृष्य पाहिली असतील. तुम्हीसुद्धा असे भन्नाट टाईम लॅप्स व्हिडिओ अगदी सहज बनवू शकता. यासाठी खूप मोठं किंवा कठीण तंत्रज्ञान वापरण्याची गरज नाही. तुमच्या स्मार्टफोनवरुन किंवा अँड्रॉईड फोनवरुनही तुम्ही हे व्हिडिओ बनवू शकता. सध्या नव्याने येणाऱ्या स्मार्टफोन्समध्ये मुळातच टाईम लॅप्स व्हिडिओच्या ऑप्शन इनबिल्ट असतो. मात्र, तुमच्या मोबाईलमध्ये हा ऑप्शन नसल्यास तर नाराज होऊन जाऊ नका. आम्ही तुम्हाला अशा काही Apps ची नावं सांगणार आहोत, ज्या अॅपच्या मदतीने तुम्ही अगदी सहज टाईम लॅप्स व्हिडिओ बनवू शकता. गुगल प्ले स्टोअरवरुन तुम्ही अॅप डाऊनलोड करुन त्याद्वारे टाईम लॅप्स व्हिडिओ शेअर करु शकता. पाहा यातील कोणतं अॅप तुमच्या स्मार्टफोनला सूट करतं ते. जाणून घ्या कोणती आहेत ही अॅप्स :
-
Framelapse
-
Lapse It
-
Microsoft Hyperlapse
-
Hyperlapse from Instagram
-
TimeLapse
-
iTimeLapse Pro
-
iMotion
-
OSnap!
