Corona Live Update: दिलासादायक बातमी; मागच्या २४ तासांत फक्त ६ टक्के रुग्ण वाढले

भारतात कोरोनाबाधित रुग्णांचा आकडा वाढत जात असताना आता एक दिलासादायक बातमी समोर आली आहे. काल म्हणजेच शुक्रवारी सकाळी ८ वाजल्यापासून ते आज शनिवारी ८ वाजेपर्यंत भारतात कोरोनाबाधित रुग्णांमध्ये फक्त ६ टक्क्यांनी वाढ झाली आहे. भारतात कोरोनाचे १०० रुग्ण आढळल्यापासून ही आतापर्यंतची सर्वात कमी वाढ ठरली आहे.

महाराष्ट्रासह संपुर्ण देशावर आलेल्या कोरोना महामारीच्या संकटातून सावरण्यासाठी आणि या अदृष्य विषाणू विरूद्ध लढाई जिंकण्यासाठी मुख्यमंत्री उद्धव ठाकरे यांनी मुख्यमंत्री सहाय्यता निधीत मदतीचे आवाहन केले होते. या आव्हानाला प्रतिसाद देत ग्रुपने राज्याचे मुख्यमंत्री सहाय्यता निधी मध्ये ५० लाख रूपयांचे योगदान दिले आहे.

कोरेगाव-भीमा हिंसाचार आणि माओवाद्यांशी संबंध असल्याचा आरोप झालेले प्रा. आनंद तेलतुंबडेंना मुंबईतील विशेष एनआयए कोर्टाने आज हंगामी जामीन नाकारला आहे. त्यामुळे त्यांची आता ८ मेपर्यंत न्यायालयीन कोठडीत रवानगी करण्यात आली आहे.

वुहानमधून जगभर पसरलेल्या कोरोना विषाणूचा विळखा अधिकच घट होताना दिसत आहे. देशभरात २४ तासांत ५७ कोरोनाबाधितांचा मृत्यू झाला आहे. तर १ हजार ४२९ नवे रुग्ण आढळून आले आहेत. दरम्यान, देशात आतापर्यंत कोरोनाबाधितांची संख्या २४ हजार ५०६ वर गेली असून सध्या १८ हजार ६६८ रुग्णांवर उपचार सुरु आहेत. तर ५ हजार ०६३ जण कोरोनामुक्त झाले आहेत. तर आतापर्यंत ७७५ जणांना आपले प्राण गमवावे लागले आहे. (सविस्त वाचा)

मुंबई, ठाणे, नवी मुंबई, पुण्याचा लॉकडाऊन जूनपर्यंत वाढेल

मुंबई, पुण्यासारख्या शहरांची कोरोनासंबंधीची सद्यपरिस्थिती पाहता हा लॉकडाऊन जूनपर्यंत वाढवावा लागेल, अशी शक्यता वर्तवली जात आहे. शिवाय ठाणे आणि नवी मुंबई यांनाही लॉकडाऊनचा कालावधी वाढवून दिला जाईल, असे सांगितले जात आहे. राज्य सरकारने मुंबई, पुणे आणि त्याच्या आजूबाजूच्या शहरांची स्थिती गंभीर असल्याचे म्हटले आहे. येथील कोरोनाबाधितांचा आकडा दिवसेंदिवस वाढत आहे. देशभरात महाराष्ट्रात कोरोना रुग्णांची संख्या जास्त आहे. तर राज्यात मुंबई, पुण्यामध्ये कोरोनाचा संसर्ग मोठ्या प्रमाणात होताना दिसत आहे. अशा स्थितीत या शहरांचा लॉकडाऊन कालावधी वाढवला जाईल यात शंका नाही, असे राज्य सरकारने म्हटले आहे. (सविस्तर वाचा)

महापालिकेच्या आपत्कालिन कक्षात आणखी तीन कोरोनाग्रस्त

मुंबई महापालिकेच्या आपत्कालिन नियंत्रण कक्षातील दोन कामगारांना कोरोनाची बाधा झाल्यानंतर करण्यात आलेल्या तपासणीमध्ये अजून तीन जणांचे चाचणी अहवाल पॉझिटिव्ह आढळून आले आहेत. हे तिन्ही कामगार हाऊस किपिंग करणारे कामगार असल्याचे बोलले जात आहे. त्यामुळे महापालिका मुख्यालयातच एकूण पाच कोरोनाचे पॉझिटिव्ह आढळून आले असून एरव्ही एखाद्या इमारतीमध्ये एक जरी रुग्णालय आढळून आला तर संपूर्ण इमारत सिल केली जाते. परंतु महापालिका मुख्यालयात पाच रुग्ण पॉझिटिव्ह आढळूनही मुख्यायालयातील कारभार सुरुच आहे. (सविस्तर वाचा)

यवतमाळमध्ये आणखी एक पॉझिटिव्ह, एकूण रुग्ण संख्या १५ वर

वैद्यकीय महाविद्यालयाच्या आयसोलेशन वार्डमध्ये भरती असलेल्या एकाचा रिपोर्ट पॉझेटिव्ह आल्यामुळे आता पॉझिटिव्ह रुग्णांची संख्या एकूण १५ वर गेली आहे. हा व्यक्ति सुरवातीच्या ६ पॉझिटिव्ह व्यक्तीच्या थेट संपर्कात आला होता आणि काही दिवसांपासून संस्थात्मक विलागिकरणात भरती होता. त्याचा रिपोर्ट वैद्यकीय महाविद्यालयाला रात्री उशिरा प्राप्त झाल्याचे जिल्हा प्रशासनाने कळविले आहे.

मातोश्री जवळील चहावाल्याची कोरोनावर मात

मुख्यमंत्र्यांच्या निवासस्थानाबाहेर असलेल्या चहावाल्याला कोरोनाची लागण झाली होती. मात्र, या चहावाल्यांनी कोरोनावर मात केली असून हा चहावाला बरा होऊन घरी परतला आहे.

कोल्हापूरकरांना दिलासा; २६ जणांचे रिपोर्ट निगेटिव्ह