देशातील कोरोनाचे रुग्ण झपाट्याने वाढत आहेत. सुरक्षा दलांमध्येही हा विषाणू वेगाने पसरत आहे. एनडीआरएफच्या जवानांना देखील कोरोनाची लागण झाली आहे. ओडिशामध्ये ५० एनडीआरएफ जवानांना कोरोनाची लागण झाल्याचं आढळलं आहे. याबाबतची माहिती एनडीआरएफचे महासंचालक एस. एन. प्रधान यांनी ट्विटरच्या माध्यमातून दिली.
In view of inquiries it is informed that on testing of #NDRF personnel in Odisha after return from #CycloneAmphan duties 50 were found positive of nearly 190 personnel tested for COVID19. So far all these personnel are asymptomatic & under observation. @NDRFHQ @ndmaindia pic.twitter.com/KoAZ1Oi6pr
— ѕαtчα prαdhαnसत्य नारायण प्रधान ସତ୍ଯପ୍ରଧାନ-DG NDRF (@satyaprad1) June 8, 2020
ओडिशामध्ये नुकतंच अम्फान चक्रिवादळ येऊन गेलं. या नैसर्गिक आपत्तीला तोंड देण्यासाठी एनडीआरएफला तैनात करण्यात आलं होतं. मदतकार्यानंतर परत आलेल्या एनडीआरएफच्या जवानांना क्वारंटाइन करण्यात आलं होतं. त्यानंतर १९० जणांची कोरोनाची चाचणी करण्यात आली. यामध्ये ५० जणांना कोरोनाचा संसर्ग झाल्याचं समोर आलं.
हेही वाचा – शाळा सुरु करण्याचा निर्णय १५ जुलै नंतर
यासह, पश्चिम बंगालहून परत आलेल्या ५० एनडीआरएफ जवानांना कोरोनाची लागण झाल्याचं आढळलं आहे. हे सर्व जवान पश्चिम बंगालमध्ये अम्फान चक्रिवादळानंतर मदतकार्यासाठी गेलेल्या संघाचा एक भाग आहेत. मदतकार्यानंतर ओडिशाच्या कटकमधील मुंडलीला परत आलेल्या एनडीआरएफच्या १७७ जवानांना अलग ठेवण्यात आलं. सर्व कोरोना पॉझिटिव्ह जवान एनडीआरएफच्या तिसर्या बटालियनमधील असल्याचं सांगितलं जात आहे.