नवी दिल्ली: लोकसभा निवडणुकीसाठी भाजपने आज सकाळी आपला जाहीरनामा प्रसिद्ध केला. भाजपचा जाहीरनामा पंतप्रधान नरेंद्र मोदी यांच्या उपस्थितीत पक्षाच्या मुख्यालयात प्रसिद्ध करण्यात आला. केंद्रीय मंत्री राजनाथ सिंह यांच्या अध्यक्षतेखाली 27 वरिष्ठ नेत्यांच्या समितीने जाहीरनामा तयार केला. केंद्रीय अर्थमंत्री निर्मला सीतारामन या समितीच्या निमंत्रक आहेत. (BJP Manifesto 2024 UCC Zero Electricity Bill Scheme to Free Ration for Poor for Five Years Know BJP s Key Announcements)
जाहीरनामा प्रसिद्ध करताना पीएम मोदी म्हणाले, ‘भाजपने जाहीरनाम्याचे पावित्र्य पुन्हा प्रस्थापित केले आहे. हा जाहीरनामा विकसित भारताचे चार मजबूत स्तंभांवर आधारित आहे – युवा शक्ती, महिला शक्ती, गरीब आणि शेतकरी. आमचं लक्ष कामावर आहे.
जाणून घेऊया भाजपच्या जाहीरनाम्यातील महत्त्वाच्या घोषणा-
- 70 वर्षांपेक्षा जास्त वयाच्या सर्व वृद्धांना आयुष्मान योजनेत आणण्याचे वचन.
- 80 कोटी कुटुंबांना पाच वर्षे मोफत रेशन योजनेचा लाभ.
- आयुष्मान योजनेंतर्गत ट्रान्सजेंडर देखील समाविष्ट केले जातील.
- प्रत्येक घरात ‘हर घर जल’ योजनेचा विस्तार.
- सरकारची उज्ज्वला योजना सुरूच राहणार आहे.
- राष्ट्रीय किमान वेतनाचा आढावा.
- एमएसपी वाढतच राहील.
- प्रत्येक गरीबाला कायमस्वरूपी घर देण्याची योजना सुरूच राहणार आहे.
- तीन कोटी महिलांना लखपती दीदी बनवण्याचे वचन.
- स्वानिधी योजना गावोगावी पोहोचवली जाईल.
- प्रत्येकाला आरोग्य विमा दिला जाईल.
- सीमेवरून होणाऱ्या घुसखोरीवर कडक कारवाई.
- मच्छीमारांसाठी विमा योजना.
- मोफत रेशन योजना पुढील 5 वर्षे सुरू राहणार आहे.
- समान नागरी संहिता (UCC) लागू केली जाईल.
- वंदे भारत गाड्यांचा विस्तार केला जाईल. या अंतर्गत वंदे भारतचे तीन मॉडेल – वंदे भारत स्लीपर, वंदे भारत चेअरकार आणि वंदे भारत मेट्रो धावतील.
- मुद्रा योजनेअंतर्गत 20 लाख रुपयांचे कर्ज दिले जाईल.
- प्रत्येक घरापर्यंत स्वस्त पाईपचा स्वयंपाक गॅस पोहोचवण्यासाठी त्वरीत काम करणार
(हेही वाचा: BJP Manifesto 2024: पुढील 5 वर्षे मोफत रेशन योजना सुरू राहणार; पंतप्रधान मोदींनी दिली हमी)
