पंतप्रधान नरेंद्र मोदी यांनी आज ८ व्या आंतरराष्ट्रीय योग दिनानिमित्त कर्नाटकातील म्हैसूर पॅलेस मैदानात सामूहिक योग प्रात्याक्षिकेत भाग घेतला. यावेळी त्यांनी योग दिनानिमित्त सर्वांना योग दिनाच्या शुभेच्छा देत योगाचे फायदे सांगून योगाभ्यासासाठी प्रेरित केले, यावेळी पंतप्रधान मोदी म्हणाले की, योगाला अतिरिक्त काम म्हणून घेण्याची गरज नाही. योग जाणून घ्यायचा आहे, जगायचे आहे, योग साधायचा आहे, योगाचा अंगीकारही करायचा आहे. जगातील लोकांसाठी योग हा आज आपल्या जीवनाचा एक भाग आहे असे नाही तर आता तो जीवनाचा एक मार्ग बनत आहे. ते म्हणाले की, जेव्हा आपण योगासने जगायला सुरुवात करू, तेव्हा योग दिन हे आपल्यासाठी योगाचे नव्हे तर आपले आरोग्य, आनंद आणि शांती साजरे करण्याचे माध्यम बनेल. (International Yoga Day 2022 pm modi said yoga has become a global festival for all humanity)
भारतातील म्हैसूरसारख्या अध्यात्मिक केंद्रांनी शतकानुशतके जी योग ऊर्जा जोपासली आहे, ती योग ऊर्जा आज जागतिक आरोग्याला दिशा देत आहे. आज योग हा जागतिक सहकार्याचा परस्पर आधार बनत आहे. आज योगामुळे मानवाला निरोगी जीवनाचा विश्वास मिळत असल्याचेही मोदींनी नमूद केले.
Prime Minister Narendra Modi leads the #InternationalDayOfYoga celebrations from Karnataka’s Mysuru pic.twitter.com/DDumTiIYVf
— ANI (@ANI) June 21, 2022
15,000 लोकांसोबत योगाभ्यास करण्यापूर्वी पीएम मोदी म्हणाले की, हे संपूर्ण विश्व आपल्या शरीरापासून आणि आत्म्यापासून सुरू होते. विश्वाची सुरुवात आपल्यापासून होते, आणि योग आपल्याला आपल्यातील प्रत्येक गोष्टीची जाणीव करून देतो. जागृतीची भावना निर्माण करते. आपण कितीही तणावात असलो तरी काही मिनिटांचे ध्यान आपल्याला शांत करते, आपली उत्पादकता वाढवते. योगामुळे आपल्याला शांती मिळते. योगाद्वारे शांती केवळ व्यक्तींनाच मिळते असे नाही. योगामुळे आपल्या समाजात शांतता येते. योगामुळे आपल्या राष्ट्रांना आणि जगाला शांती मिळते आणि योगामुळे आपल्या विश्वात शांतता येते.
योग हा आता जागतिक सण बनला आहे. योग हा केवळ एका व्यक्तीसाठी नसून संपूर्ण मानवतेसाठी आहे. त्यामुळेच यावेळी ‘आंतरराष्ट्रीय योग दिना’ची थीम ‘योग फॉर ह्युमॅनिटी’ अशी ठेवण्यात आली आहे. योगाचा हा शाश्वत प्रवास शाश्वत भविष्याच्या दिशेने सुरू राहील, असे पंतप्रधान म्हणाले.
Greetings on #YogaDay! https://t.co/dNTZyKdcXv
— Narendra Modi (@narendramodi) June 21, 2022
योगाबद्दल लोकांचा उत्साह वाढवताना पंतप्रधान म्हणाले की, सर्वे भवन्तु सुखिनः, सर्वे संतु निरामया या भावनेने योगाद्वारे आम्ही निरोगी आणि शांत जगाला गती देऊ. जगातील लोकांसाठी योग हा केवळ आपल्या जीवनाचा एक भाग नसून आता तो जीवनाचा एक मार्ग बनत आहे. जेव्हा आपण योगासने जगायला सुरुवात करू, तेव्हा योग दिन हे आपल्यासाठी योगाचे नव्हे तर आपले आरोग्य, आनंद आणि शांती साजरे करण्याचे माध्यम बनेल.
पंतप्रधान मोदी म्हणाले की, यावेळी भारतात आम्ही योग दिवस अशा वेळी साजरा करत आहोत जेव्हा देश स्वातंत्र्याचे ७५ वे वर्ष साजरे करत आहे, अमृत महोत्सव साजरा करत आहे. योग दिनाची ही व्यापकता, हा स्वीकार भारताच्या त्या अमृत भावनेचा स्वीकार आहे ज्याने भारताच्या स्वातंत्र्यलढ्याला ऊर्जा दिली. यावेळी आंतरराष्ट्रीय स्तरावर “गार्डियन रिंग ऑफ योग” चा असा अभिनव वापर केला जात आहे. जगातील विविध देशांमध्ये सूर्योदय होताच लोक सूर्याच्या हालचालीसह योगासने करत आहेत.
