कोरोना विषाणूच्या चाचणीचे निरनिराळे प्रकार आता समोर येऊ लागले आहेत. स्वॅबच्या असलेल्या जागेवर पाण्याच्या गुळण्या करून हे पाणीदेखील कोरोना विषाणूची चाचणी करण्यासाठी वापरता येऊ शकते, असा निष्कर्ष भारतीय काऊंसिल ऑफ मे़डिकल रिसर्च (ICMR) यांनी काढला आहे. हा चाचणीसाठी सर्वात सोपा आणि चांगला पर्याय असल्याचे त्यांनी म्हटले आहे. अशा रितीने कोरोना चाचणी केल्यास नमुने गोळा करण्याकरता लागणार वेळ वाचेल. तसेच चाचणी अहवालही लवकर देता येतील.
Gargled water samples may be viable alternative to swabs for detection of #COVID19: Study
— Press Trust of India (@PTI_News) August 20, 2020
नाकातील स्वॅब किंवा तोंडातील लाळ यांचे नमुने घेण्यापेक्षा गुळण्या केलेल्या पाण्याची चाचणी करणे अधिक सोपे होते. यामुळे चाचणी घेणाऱ्या तज्ज्ञांचा वेळ कितीतरी पटीने वाढू शकतो. जो इतर कामांमध्ये सत्कारणी लावता येईल. नुकतेच ICMR ने एका अभ्यासात या चाचणीसाठी हे नवीन संशोधन केले आहे. अशा प्रकारच्या चाचणीचा अहवाल इंडियन जर्नल ऑफ मेडिकल रिसर्चमध्ये प्रकाशित झाला आहे. ICMR ने केलेल्या अभ्यासानुसार गुळण्या केलेल्या पाण्याचे नमुने चाचणीसाठी दिल्यास त्याचा खर्चही कमी येऊ शकतो. त्यासाठी जास्त खबरदारीही घेण्याची गरज पडणार नाही. तसेच नाकाद्वारे स्वॅब घेण्यासाठी टेस्ट किटची गरजदेखील कमी भासेल.
हा अभ्यास करणारे एम्सचे डॉक्टर मेडिसीन, अॅनेस्थिसिया आणि क्रिटीकल केअर मेडिसीनमध्ये कार्यरत असून डॉ. नवनीत विग, डॉ. मनीष सोनेजा, डॉ. नीरज निश्चल, डॉ. अंकित मित्तल, डॉ. अंजन त्रिखा आणि डॉ. कपिल देव सोनी अशी त्यांची नावे आहेत.
हेही वाचा –
माय-लेकिचा एकच बॉयफ्रेंड; प्रेमासाठी आईने काढला लेकीचा काटा!
