७० आणि ८० च्या दशकात एक नाव गाजलं आणि ते नाव म्हणजे चार्ल्स शोभराज. अट्टल गुन्हेगार आणि सिरील किलर म्हणू जग विख्यात असलेल्या या गुन्हेगाराला मुंबई पोलिसांच्या एका अधिकाराने दोनदा पकडून दिल आणि ते पोलीस अधिकारी म्हणजे ‘मधुकर झेंडे’, त्यावेळी हाती असलेल्या संसाधनांचा उपयोग करून अशा अट्टल गुन्हेगाराला मधुकर झेंडे यांनी नेमकं पकडल कस याचा प्रवास उलगडणारी ‘झेंडे’ ही डॉक्युमेंट्री सध्या चर्चेत असून प्रतिष्टित अशा चित्रपट महोत्सवांमध्ये गाजून आता ही डॉक्युमेंट्री ‘काला घोडा कला महोत्सवात सामील झाली असून २१ जानेवारी रोजी ती प्रेक्षकांच्या पाहता येणार आहे.
७० आणि ८० च्या दशकांतील मुंबई आणि तेव्हाची परिस्थिती असं सगळंच या डॉक्युमेंट्री मध्ये पाह्यला मिळणार असून या डॉक्युमेंट्रीसाठी ए. आय म्हणजेच आर्टिफिशियल इंटेलिजन्स चा वापर करण्यात आला आहे. ए. आय च्या मदतीने मुंबईच्या इतिहासातील काही प्रतिष्ठित स्थाने आणि क्षण पुन्हा तयार करण्यात आले आहेत. ए. आय च्या मदतीने पूर्ण झालेली झेंडे ही भारतातील पहिलीच डॉक्युमेंट्री आहे. अनेकदा पोलिसांच्या हातावर तुरी देऊन पळून जाणारा चार्ल्स शोभराज याला जेरबंद करण्यासाठी मधुकर झेंडे यांनी केलेला संघर्ष या डॉक्युमेंट्री मध्ये दाखवण्यात आले आहे. ही डॉक्युमेंट्री प्रेक्षकांना ७० आणि ८० दशकात प्रेक्षकांना घेऊन जाते. तत्कालीन परिस्थिती आणि एकूणच तत्कालीन मुंबईच इन्फ्रास्टक्चरच प्रेक्षकांना कळावं म्हणून आर्टिफिशियल इंटेलिजन्सचा वापर या डॉक्युमेंट्रीत करण्यात आला. या निमित्ताने डॉक्युमेंट्रीचा दिग्दर्शक अक्षय सांगतो ‘ झेंडे हि डॉक्युमेंट्री फक्त मधुकर झेंडे यांचं आयुष्य उलघडत नाही तर ती त्यासगळ्या पोलिसांचं आयुष्य उलगडते जे आपलं कर्तव्य दिवसरात्र एक करून बजावत असतात. स्वतःच काम करत असतांना येणाऱ्या मर्यादा नियम हे सगळंच पळून एक पोलीस अधिकारी आपलं कर्तव्य पार पडतो एका गुन्हेगारी प्रवृत्तीला थांबवण्याचा प्रयत्न करत त्यावेळी त्याच्या आयुष्यात चाललेला त्याचा स्वतःचा मानसिक आणि सामाजिक संघर्ष याची दखल घेणारी ही डॉक्युमेंट्री आहे’.
‘आपण आपलं काम प्रामाणिकपणे करत असतो त्यातून सर्वात योग्य समाधान मिळत असत. चार्ल्स शोभराजला पकडणं त्यावेळीस फार महत्वाचं होत आणि त्याला पकडून जेरबंद करणं हे त्याहून महत्वाचं होत. पोलिसांना चकवा देऊन पळून जाणारा तो जेव्हा आमच्या तावडीत सापडला त्यावेळी एक वेगळा आनंद मनात होता. त्याला पकडत असताना येणारे अडथळे फार होते पण त्यातून मार्ग काढणं आम्हाला जमणार नाही असं नव्हतं. एका सिरीयल किलर ला पकडून त्यांची दहशत थांबवणं याहून समाधानकारक काय असेल.’ या डॉक्युमेंट्रीचे नायक मधुकर झेंडे सांगतात.
