राज्यातील कोरोनाबाधितांचा आकडा दिवसेंदिवस वाढत असून गेल्या २४ तासांत ८ हजार ३६९ नव्या रूग्णांची नोंद राज्यात करण्यात आली आहे. तर दिवसभरात २४६ जणांचा कोरोनाने बळी गेला आहे. यामुळे राज्यात आतापर्यंत एकूण ३ लाख २७ हजार ३१ जणांना कोरोनाची लागण झाली आहे. तसेच आज दिवसभरात ७ हजार १८८ कोरोना रूग्णांना रूग्णालयातून डिस्चार्ज देण्यात आला आहे. त्यामुळे राज्यात आजपर्यंत एकूण १ लाख ८२ हजार २१७ कोरोना बाधित रुग्ण बरे होऊन घरी परतले आहेत. यामुळे राज्यातील रुग्ण बरे होण्याचे प्रमाण (Recovery Rate) ५५.७२ % एवढे झाले आहे.
8,369 new #COVID19 cases and 246 deaths reported in Maharashtra today. The total number of positive cases in the State stands at 3,27,031 including 1,82,217 recoveries and 1,32,236 active cases: State Health Department pic.twitter.com/tfPu3vlKwK
— ANI (@ANI) July 21, 2020
तर आज दिवसभरात राज्यात आज २४६ कोरोना बाधित रुग्णांच्या मृत्यूंची नोंदकरण्यात आली असून सध्या राज्यातील मृत्यू दर ३.७५ % एवढा झाला आहे. तसेच, सध्या राज्यात ७ लाख ७९ हजार ६७६ व्यक्ती होम क्वारंटाईनमध्ये आहेत तर ४५ हजार ७७ व्यक्ती संस्थात्मक क्वारंटाईनमध्ये आहेत.
आजपर्यंत तपासण्यात आलेल्या १६,४०,६४४ प्रयोगशाळा नमुन्यांपैकी ३ लाख २७ हजार ३१ (१९.९३ टक्के) कोरोना नमुने पॉझिटिव्ह आले आहेत. दरम्यान, राज्यात आज एकूण १ लाख ३२ हजार २३६ Active रुग्ण आहेत.
हेही वाचा – Coronavirus Mumbai: मुंबईत आज ९९५ नव्या रुग्णांची नोंद; ६२ मृत्यू