पहिल्या तासातच यवतमाळ-वाशिममधील एका मतदान केंद्रावर ईव्हीएम मशीनमध्ये बिघाड झाल्याचे समजते.
यवतमाळ-वाशिममध्येही सकाळी ७ वाजल्यापासून मतदानाला सुरुवात झाली आहे. वाशिम जिल्हा हा शिवसेनेचा बालेकिल्ला समजला जातो. यवतमाळ-वाशिम मतदारसंघाची २००८ साली निर्मिती झाली आहे. शिवसेनेच्या भावना गवळी या या मतदारसंघाच्या खासदार आहेत. यवतमाळ-वाशिम विधानसभा मतदारसंघात ४ ठिकाणी भाजपची सत्ता आहे. तर एका ठिकाणी शिवसेना आणि एका ठिकाणी राष्ट्रवादी काँग्रेसची सत्ता आहे. यंदाही शिवसेनेच्या भावना गवळी यांची लढत काँग्रेसचे माणिकराव ठाकरे यांच्याशी आहे. तर प्रहारच्या वैशाली येडे आणि व्हीबीएच्या प्रवीण पवार हेदेखील निवडणूकीच्या रिंगणात उतरले आहेत.