मनसे अध्यक्ष राज ठाकरे हे सध्या कोकण दौऱ्यावर आहेत. दौऱ्यावेळी राज ठाकरेंनी करवीर निवासिनी श्री महालक्ष्मी देवीचं दर्शन घेतलं. त्यानंतर त्यांनी कोल्हापुरात पत्रकारांशी संवाद साधला. यावेळी प्रस्थापितांशी संघर्ष करत लढा द्या, असं आवाहन राज ठाकरेंनी महाराष्ट्र सैनिकांना केलं आहे.
सन्माननीय श्री. राजसाहेब ठाकरे हे सध्या कोकण दौऱ्यावर आहेत. ह्या दौऱ्याची सुरुवात करवीर निवासिनी श्री महालक्ष्मी देवीचं दर्शन घेऊन ते करणार आहेत. त्यावेळी कोल्हापुरात आल्यावर त्यांनी पत्रकारांशी संवाद साधला. त्यातील महत्वाचे मुद्दे थ्रेड मध्ये.
राज ठाकरे सोशल मीडिया टीम । pic.twitter.com/mpFdi4emN4
— Raj Thackeray (@RajThackeray) November 30, 2022
मी नागपूर दौऱ्यात असताना बोललो होतो तेच आत्ता बोलतोय की लढा हा त्या त्या ठिकाणच्या प्रस्थापितांशीच द्यायचा असतो. इतिहास हाच आहे की अनेक अभेद्य वाटणारे बालेकिल्ले सुद्धा पडले आहेत त्यामुळे प्रस्थापितांशी संघर्ष करत लढा द्या हेच मी माझ्या महाराष्ट्र सैनिकांना सांगितलं आहे, असं राज ठाकरे म्हणाले.
कोल्हापूरला येऊन देवीचं दर्शन घेऊन कोकण दौऱ्याला सुरुवात करावी अशी माझी इच्छा होती, त्यासाठी कोल्हापुरात आलो आहे. इथून मी कोकण दौऱ्यावर जाणार आहे. आणि तो दौरा संपला की लवकरच मी पश्चिम महाराष्ट्राच्या दौऱ्यावर येणार आहे, असंही राज ठाकरे म्हणाले.
साडेतीन शक्ती पीठांपैकी एक अशा करवीर निवासिनी श्री अंबाबाई महालक्ष्मीचे दर्शन घेतले व पूजा केली. कोकण दौऱ्याची सुरुवात कोल्हापूरला येऊन महालक्ष्मीचं दर्शन घेऊन करावी अशी माझी इच्छा होती. ती इच्छा आज पूर्ण झाली. pic.twitter.com/NXh5QtE4eq
— Raj Thackeray (@RajThackeray) November 30, 2022
हेही वाचा : ‘या’ निमित्ताने उद्धव ठाकरे- प्रकाश आंबेडकर एकाच मंचावर; राजकीय समीकरणं बदलणार?
