पत्राचाळ घोटाळा प्रकरणात शिवसेना खासदार संजय राऊत यांना पीएमएलए कोर्टाने जामीन मंजूर केला आहे. १०२ दिवसानंतर संजय राऊत हे तुरुंगातून बाहेर आले आहेत. राऊतांनी पत्रकार परिषद घेत शिंदे गटावर निशाणा साधला आहे. तसेच त्यांनी राष्ट्रवादी काँग्रेसचे अध्यक्ष शरद पवार यांची भेट घेतली आहे. या भेटीत त्यांनी तुरूंगातील काही घटना देखील सांगितल्या तसेच त्यांच्या प्रकृतीची विचारपूस केली.
संजय राऊतांनी पवारांच्या भेटीनंतर प्रसार माध्यमांशी संवाद साधला. त्यावेळी ते म्हणाले की, शरद पवार हे आजारी होते. आता त्यांची प्रकृती ठिक आहे. मी तुरुंगात असताना त्यांनी माझ्या कुटुंबियांची काळजी घेतली, माझ्यासाठी न्यायालयीन लढतीत त्यांनी माझी मदत केली. त्यामुळे त्यांचे आभार मानायला मी आलो होतो, असं संजय राऊत म्हणाले.
Maharashtra | Shiv Sena (Uddhav) MP Sanjay Raut meets NCP chief Sharad Pawar at the latter’s residence in Mumbai.
Sanjay Raut was released from Arthur Road jail yesterday. pic.twitter.com/CyNFu5ZRKQ
— ANI (@ANI) November 10, 2022
मी संसदेच्या अधिवेशनावेळी देशाचे पंतप्रधान नरेंद्र मोदी आणि केंद्रीय गृहमंत्री अमित शाह यांची भेट देखील घेणार आहेत, असंही राऊत म्हणाले.
शिवसेना एकच आहे, हा गट आणि तो गट नाही, आम्ही राजकीय लढाई लढू. मी फडणवीसांना भेटणार आहे. राज्याचे काही प्रश्न आहेत. ते त्यांच्यासमोर मांडायचे आहेत. ते राज्याचे प्रमुख आहेत, गृहमंत्री आहेत. तुरुंगातील काही प्रश्न त्यांच्यासमोर मांडायचे आहेत, असंही राऊत म्हणाले.
