Maharashtra Corona Update: दिलासादायक! राज्यात आज एकही ओमिक्रॉन रुग्ण नाही

राज्यासाठी आज दिलासादायक बाब म्हणजे आज रविवारी राज्यात एकही ओमक्रॉन बाधित रुग्ण आढळलेला नाही.  राज्यात आतापर्यंत नोंदवण्यात आलेल्या ओमिक्रॉन बाधितांची संख्या ही 2,659 इतकी आहे. यातील 1,009 रुग्ण हे एकट्या मुंबईतील आहेत. आज ओमिक्रॉन रुग्णांपासून राज्याला दिलासा मिळाला असला तरी कोरोना बाधितांची संख्या मात्र 40 हजारांच्या घरात पोहोचली आहे. आज राज्यात 40,805 कोरोना बाधित रुग्णांची नोंद करण्यात आली आहे.

COVID19 | Maharashtra reports 40,805 new cases and 44 cases today; Active cases in the state rise to 2,93,305. pic.twitter.com/e31lKeg56C

— ANI (@ANI) January 23, 2022

राज्यात आज 27,377 कोरोना रुग्णांनी कोरोनावर यशस्वी मात केली असून ते सुखरुप घरी परतले आहेत. राज्यात आतापर्यंत कोरोनामुक्त झालेल्या रुग्णांची संख्या 70,67,955 इतकी आहे. राज्याच्या सध्याचा रिकव्हरी रेट हा 94.15टक्के इतका आहे. राज्यात आजपर्यंत 7,33,69,912 कोरोना चाचण्या करण्यात आल्या आहेत. त्यातील 75,07,225 चाचण्या पॉझिटीव्ह आल्या आहेत.

त्याचप्रमाणे राज्याचा सध्या मृत्यूदर कमी असला तरी आज 44 जणांना कोरोनामुळे आपला जीव गमवावा लागला आहे. राज्यात सध्या 20,86,024 रुग्ण हे होमक्वारंटाइन असून 3,373 रुग्ण संस्थात्कम क्वारंटाइन आहेत. राज्यात सध्या 2,93,305 अँक्टिव्ह कोरोना रुग्ण आहेत.

हेही वाचा – Mumbai Corona Update: मुंबईत 24 तासात कोरोना रुग्णसंख्येत घसरण, मृत्यू संख्येत वाढ