पंतप्रधान नरेंद्र मोदी (PM Narendra Modi) आणि केंद्रीय गृहमंत्री अमित शहा (Home Minister Amit Shah) आज गुजरातचा दौरा करणार असून राज्यातील अनेक भागात सार्वजनिक कार्यक्रमात सहभागी होणार आहेत. राज्य सरकारने याबाबत माहिती दिली आहे. गुजरातमध्ये (Gujarat) या वर्षाच्या अखेरीस विधानसभा निवडणुका होणार आहेत. मोदी 28 मे रोजी सकाळी 10 वाजता राजकोट जिल्ह्यातील जसदन तालुक्‍यातील आटकोट गावात पटेल सेवा समाजाने बांधलेल्या रुग्णालयाचे उद्घाटन करणार आहेत.
याशिवाय राजकोट-भावनगर महामार्गावर 200 खाटांचे केडी परवाडिया मल्टीस्पेशालिटी हॉस्पिटल 40 कोटी रुपये खर्चून बांधण्यात आले आहे. यावेळी पंतप्रधान एका सभेला संबोधित करणार आहेत. संध्याकाळी, मोदी गांधीनगरमध्ये ‘सहकार संमेलना’ला उपस्थित राहतील आणि अनेक सहकारी संस्थांच्या सुमारे 10,000 निवडून आलेल्या प्रतिनिधींना संबोधित करणार आहेत.
द्वारकाधीश मंदिराला भेट
अमित शाह सकाळी द्वारका येथील द्वारकाधीश मंदिराला भेट देणार आहेत. त्यानंतर जवळच्या कोस्टल पोलीस अकादमीतील प्रशिक्षणार्थींशी संवाद साधणार आहेत. सहकार संमेलनात ते इफ्को, कलोल येथे नॅनो युरिया (लिक्विड) प्लांटचे उद्घाटन करणार आहेत. गांधीनगरमधील गुजरातचे सहकार क्षेत्र संपूर्ण देशासाठी आदर्श ठरले आहे. राज्यात सहकार क्षेत्रात 84,000 हून अधिक संस्था आहेत. सुमारे 231 लाख सदस्य या मंडळांशी संबंधित आहेत.
राज्यातील सहकार चळवळ बळकट करण्याच्या दिशेने आणखी एक पाऊल म्हणून गांधीनगर येथील महात्मा मंदिरात विविध सहकारी संस्थांच्या नेत्यांसोबत ‘समृद्धीतून सहयोग’ या विषयावर चर्चासत्राचे आयोजन करण्यात येणार आहे. या चर्चासत्रात राज्यातील विविध सहकारी संस्थांचे सात हजारांहून अधिक प्रतिनिधी सहभागी होणार आहेत.
पंतप्रधान नरेंद्र मोदी कलोल येथे सुमारे 175 कोटी रुपये खर्चून इफको निर्मित नॅनो युरिया (लिक्विड) प्लांटचे उद्घाटन करणार आहेत. नॅनो युरियाच्या वापरातून पीक उत्पादन वाढवण्यासाठी अल्ट्रामॉडर्न नॅनो खताचा प्लांट उभारण्यात आला आहे. प्लांट दररोज 500 मिलीच्या सुमारे 1.5 लाख बाटल्या तयार करणार आहे.
अमित शहा यांचा आजचा कार्यक्रम
- अमित शाह दोन दिवसांच्या गुजरात दौऱ्यावर पोहोचतील, द्वारका मंदिरात भेट देतील आणि पूजा करतील,
- गांधीनगरमध्ये एका परिषदेला संबोधित करतील जिथे मोदी देखील मुक्काम करणार आहेत.
- सकाळी 11 – श्री द्वारकाधीश मंदिरात दर्शन व पूजा.
- दुपारी 12 – नॅशनल कोस्टल पोलिस अकादमी (NACP) ला भेट आणि प्रशिक्षणार्थींशी संवाद
- दुपारी 4 वाजता – पंतप्रधान श्री नरेंद्र मोदी ‘सहकार से समृद्धी’ परिषदेला संबोधित करतील आणि IFFCO कलोल
- युनिट येथे जगातील पहिल्या ‘नॅनो युरिया (लिक्विड) प्लांट’चे उद्घाटनही करतील.
अमित शहांचा उद्याचा कार्यक्रम
- गोध्रा- पंचामृत डेअरीतील विविध कार्यक्रम सकाळी 10.00 वा
- P.D.C बँकेच्या मुख्यालयाच्या नवीन इमारतीचे उद्घाटन व मोबाईल ATM व्हॅनचे उद्घाटन
- विविध राज्यांमध्ये असलेल्या पंचमहाल डेअरी प्लांटचे आभासी उद्घाटन आणि पायाभरणी
- बक्षीस वितरण
हेही वाचा – मनसैनिकांकडून बृजभूषण यांच्याविरोधात दादर पोलीस ठाण्यात तक्रार दाखल
