कोरोना संकटाच्या काळात लोकांच्या मनात अनेक प्रकारचे प्रश्न निर्माण होत आहेत. कोरोना कशामुळे पसरतो? कोणत्या वस्तुंवर जीवंत राहतो? आदी प्रश्न लोकांच्या मनात येत आहेत. दिल्लीतील एम्स रुग्णालयाचे संचालक डॉ. रणदीप गुलेरिया यांनी एका वृत्त संस्थेशी बोलताना लोकांना पडणाऱ्या प्रश्नांची उत्तरे दिली आहेत. लोकांना पडणाऱ्या प्रश्नांपैकी एक प्रश्न म्हणजे कार किंवा घरात एसी वापरल्यामुळे कोरोनाचा संसर्ग वाढू शकतो का? या प्रश्नावर डॉ. रणदीप गुलेरिया यांनी मार्गदर्शन केलं.
एसी चालवून कोरोना पसरतो का?
डॉक्टर रणदीप गुलेरिया म्हणाले की, क्रॉस वेंटिलेशन असल्यास एसी वापरल्यामुळे धोका निर्माण होऊ शकतो. आपल्या घरात विंडो एसी बसवला असल्यास आपल्या खोलीतील हवा त्या खोलीपर्यंतच मर्यादित राहील. म्हणूनच कारमध्ये विंडो एसी किंवा एसी चालवण्यास कोणतीही अडचण नाही, परंतु सेंट्रल एसीमधून संसर्गाचा प्रसार होऊ शकतो. खरं तर, सेंट्रल एसीमधून हवा सर्व खोल्यांमध्ये जाते आणि जर दुसर्‍या खोलीत किंवा कार्यालयातील एखाद्याला खोकला असेल आणि त्याला संसर्ग झाला असेल तर एसीमधून एका खोलीतून दुसर्‍या खोलीत संसर्ग पसरू शकतो. डॉ. गुलेरिया म्हणाले की, जर विंडो एसी असेल आणि ती घराच्या एका खोलीत स्थापित केली असेल तर एसी चालवण्यास घाबरण्याचं कारण नाही.
सेंट्रल एसीमध्ये संसर्ग पसरण्याचा धोका असू शकतो. डॉक्टर म्हणाले की बर्‍याच हॉस्पिटलमध्ये जिथे कोरोना रूग्ण दाखल केले जात आहेत, तिथे लोक सेंट्रल एसी बंद करत आहेत आणि आता विंडो एसी लावत आहेत. उष्णता जसजशी वाढत जाईल तसतसे डॉक्टरांना कोरोनाच्या रूग्णांवर उपचार करणं अधिक कठीण होईल. कोरोना रूग्णांवर उपचार करणारे सर्व डॉक्टर आणि आरोग्यसेवा पीपीई किट परिधान करतात. उन्हाळ्यात हे परिधान केल्याने एसी न चालू करता रुग्णाला तपासण्यात अडचण येऊ शकते. म्हणून विंडो एसी स्थापित करणं आवश्यक आहे.
