ड्रामा क्वीन राखी सावंत सध्या तिच्या लग्नामुळे चर्चेत आहे. 7 महिन्यांपूर्वी राखीने आदिलसोबत लग्न केलं परंतु या लग्नाचा खुलासा तिने नुकताच केला आहे. मात्र, या लग्नाला आदिल नकार देत होता. दरम्यान, नुकत्याच एका मुलाखतीमध्ये आदिलने राखीसोबत लग्न झालं असल्याची कबूली दिली आहे. परंतु आदिलच्या घरच्यांनी अजूनही राखीला सून म्हणून स्वीकारलं नाही त्यामुळे तो सध्या त्याच्या घराच्यांना राखीसोबतच्या नात्यावर मनवण्याचा प्रयत्न करत आहे.
आदिलने दिली लग्नाची कबूली
राखी सावंत आणि आदिलच्या लग्नाच्या चर्चा मागील अनेक दिवसांपासून चर्चेत आहे. आदिलने राखीसोबत केलेल्या लग्नाची कबूली दिली आहे. एका मुलाखतीत तो म्हणाला की, मी आणि राखी विवाहीत आहोत. आम्ही दोघेही एकत्र आहोत आणि आनंदी देखील आहोत. खरंतर, आदिलच्या घरचे जोपर्यंत राखीला स्विकारत नाही तोपर्यंत त्याला त्यांचं लग्न खासगी ठेवायचे होते. परंतु राखीने त्याला सांगितंल की, आता खूप झालं. लोकांना खरं सांगायची वेळ आता आली आहे. तेव्हा आदिल लग्नाच्या चर्चेला कबूली दिली.
View this post on Instagram
पुढे आदिल म्हणाला की, त्याच्या कुटुंबीयांना ठाऊक आहे की, तो आणि राखी आता एकत्र आहेत परंतु त्यांना मनवण्याचा आम्ही प्रयत्न करत आहोत. थोडा वेळ लागेल. आधी मी या गोष्टीला नकार देत होतो परंतु मी ही गोष्ट सगळीकडे व्हायरल झाली त्यामुळे मी लग्नाला कबूली दिली.