आज बॉलिवूडची धाकड गर्ल कंगना रनौतचा 36 वा वाढदिवस आहे. 23 मार्च 1987 साली कंगनाचा जम्मू काश्मिरमध्ये जन्म झाला होता. कंगनाला लहानपणापासूनच अभिनयाची आवड होती. कंगनाने 2006 मध्ये प्रदर्शित झालेल्या गँगस्टर या चित्रपटामधून बॉलिवूडमध्ये पदार्पण केले होते. यात कंगनाने प्रमुख भूमिका साकारली होती. या चित्रपटातील अभिनयासाठी कंगनाला अनेक पुरस्कार देखील मिळाले होते. त्यानंतर हळूहळू अनेक चित्रपटामध्ये उत्तम अभिनय करत बॉलिवूडमध्ये आपली छाप उमटवली. आज कंगना केवळ उत्तम अभिनेत्रीच नव्हे तर एक निर्माती देखील आहे.
कंगनाचे सुपरहिट चित्रपट
2006 पासून आपल्या उत्तम अभिनयाने बॉलिवूडमध्ये स्वतःची ओळख निर्माण करणाऱ्या कंगनाने अनेक सुपरहिट चित्रपट दिले आहेत.
- मणिकर्णिका
2019 मध्ये प्रदर्शित झालेल्या ‘मणिकर्णिका’ चित्रपटात कंगनाने झाशीच्या राणीची भूमिका साकारली होती. हा चित्रपट सुपरहिट ठरला होता.
- तनु वेड्स मनु रिटर्न्स
2015 मध्ये प्रदर्शित झालेल्या ‘तनु वेड्स मनु रिटर्न्स’ चित्रपटात कंगनाने मुख्य भूमिका साकारली असून कंगनासोबत आर माधवन देखील मुख्य भूमिकेत होते.
- क्वीन
2014 मध्ये प्रदर्शित झालेल्या ‘क्वीन’ चित्रपटामुळे कंगनाला प्रचंड लोकप्रियता मिळाली. हा चित्रपट सुपरहिट ठरला होता.
- शूट आउट अॅट वडाला
2013 मध्ये प्रदर्शित झालेल्या ‘शूट आउट अॅट वडाला’ वडालामध्ये कंगनाने महत्त्वाची भूमिका साकारली होती. हा चित्रपट सुपरहिट ठरला होता.
- गँगस्टर
2006 मध्ये प्रदर्शित झालेल्या ‘गँगस्टर’ चित्रपटामध्ये कंगनाने मुख्य भूमिका साकारली होती. तिचा हा चित्रपट सुपरहिट ठरला होता.
हेही वाचा :