कॉंग्रेस खासदार राहुल गांधी यांच्या नेतृत्वाखाली संपूर्ण देशभरात ‘भारत जोडो यात्रा’ काढण्यात येत आहे. या भारत जोडो यात्रेचा प्रभाव जाणवत असून भाजपचा रोष याचा पुरावा आहे, असे काँग्रेसचे ज्येष्ठ नेते जयराम रमेश यांनी म्हटले. एका वृत्तवाहिनीला दिलेल्या मुलाखतीत जयराम रमेश यांनी कॉग्रेसच्या ‘भारत जोडो यात्रे’चा, राहुल गांधी यांच्या भेटीची यांसह अनेक प्रश्नांची उत्तर दिले. (bharat jodo yatra impact bjp jairam ramesh aditya thackeray supriya sule)
काँग्रेसचे ‘भारत जोडो यात्रे’ची 7 सप्टेंबरपासून सुरूवात झाली. या प्रवासाला आता 65 दिवसांपेक्षा जास्त वेळ झाला आहे. तसेच, काँग्रेसचे घटक पक्ष भारत जोडो यात्रेला पाठिंबा देत आहेत. सर्वत्र त्याला जनतेची चांगली जोड मिळत आहे. मनापासून यात्रेचे स्वागत करण्यात असून, राहुल गांधींच्या या भेटीचा परिणाम दिसून येत असल्याचेही जयराम रमेश यांनी सांगितले.
“महाराष्ट्रातील नांदेड जिल्ह्यातून हा प्रवास हिंगोली येथे पोहोचला आहे. नांदेडमध्ये एक जबरदस्त रॅली निघाली. याठिकाणी काँग्रेसचे प्रदेशाध्यक्ष मल्लिकार्जुन खरगेही उपस्थित होते. राष्ट्रवादी काँग्रेसच्या सुप्रिया सुळे, जयंत पाटील हेही उपस्थित होते. उद्धव ठाकरे यांचे सुपुत्र आदित्य ठाकरे भारत जोडो यात्रेत सामील झाले”, असे जयराम रमेश यांनी सांगितले.
दरम्यान, “देशाचे पंतप्रधान नरेंद्र मोदी दक्षिणेतील 4 राज्यांना भेट देत आहेत, याच्यावरून भारत जोडो यात्रेचा विरोधकांवर किती परिणाम झालाय हे तुम्हाला समजेल. पंतप्रधान नरेंद्र मोदी यांनी या दौऱ्यासाठी कर्नाटक, तामिळनाडू, आंध्र प्रदेश आणि तेलंगणाची निवड केली, कारण या राज्यांमध्ये काँग्रेसची भारत जोडो यात्रा गेल्या 60 दिवसांत पार पडली. काँग्रेसने यापूर्वीच त्या राज्यांचा दौरा केला आहे”, असेही जयराम रमेश यांनी सांगितले.
“काँग्रेसच्या या यात्रेमुळे भाजपमध्ये भीतीचे वातावरण आहे. त्यामुळे पंतप्रधान मोदी भेट देत आहेत. अर्थात या दौऱ्यात विविध प्रकारचे चेहरे ऑप्शन्स असतील. पण लोकांसोबत चालणे आणि त्यांचे ऐकणे यातून निर्माण झालेल्या नात्याशी कोणताही कृती जुळू शकत नाही”, असेही यावेळी जयराम रमेश यांनी सांगितले.
हेही वाचा – कॉंग्रेसचे दिवंगत खासदार राजीव सातव यांचा उल्लेख होताच राहुल गांधी भावूक
