दारणा नदीकाठच्या गावांमध्ये बिबट्यांची दहशत कायमच असून हल्ल्यानंतर या परिसरातून तिसरा बिबट्या जेरबंद करण्यात वनविभागाला यश आले आहे.
पळसे शिवारातील गवंदे मळा परिसरातील संतोष रामदास गायधनी यांच्या मळ्यात लावलेल्या पिंज-यात मंगळवारी (दि.२१) पहाटे बिबट्याचा बछडा जेरबंद झाला. सकाळी नागरिकांनी पिंजऱ्याचा दरवाजा खाली पडलेला दिसल्यानंतर नागरिकांनी पिंज-यात बिबट्या जेरबंद झाल्याची माहिती पोलीस पाटील सुनिल गायधनी यांना दिली. त्यानंतर वनविभागाचे वन क्षेत्रपाल मधुकर गोसावी यांच्या पथकाने पिंजरा ताब्यात घेतला आहे. दरम्यान जेरबंद झालेला बिबट्या एक-दिड वर्षाचा असल्याचे सांगितले जात आहे.
