अभिनेता सुबोध भावे लोकमान्य टिळक, बालगंधर्व, काशिनाथ घाणेकर या बायोपिकमुळे प्रेक्षकांचा लाडका झाला. या बायोपिकमधील कामांमुळे त्याने प्रेक्षकांच्या मनात वेगळं स्थान निर्माण केलं. सध्या सुबोध लवकरच शरद पवारांच्या भुमिकेत दिसणार आहे. अशी चर्चा सुरू आहे. नुकतेच सुबोधने पवारांच्या सिल्व्हर ओक या निवासस्थानी त्यांची भेट घेतली. त्यामुळे या चर्चेला सुरूवात झाली आहे. यावेळी सातत्याने व्यक्त होणाऱ्या नेत्यांपेक्षा एक नेता जो योग्य ठिकाणी योग्य वेळ येताच व्यक्त होतो, अशा नेत्याची भूमिका साकारायला मला नक्कीच आवडेल, असं तो म्हणाला.
या आधी सुबोधने पवारांची भुमिका साकारण्याची इच्छा व्यक्त केली होती. शरद पवारांच्या मनात काय चाललय हे तुम्हाला ते कधीच कळू देत नाहीत. हे फार अवघड आहे. शरद पवार ५५ वर्ष राजकारणात आहेत. त्यांच्या एवढं राजकारण आजपर्यंत कोणीच बघितलं नाही. असं सुबोध म्हणाला. त्यामुळे आगामी काळात शरद पवारांच्या जीवनावर आधारित बायोपिक आल्यास त्यांच्या भूमिकेत सुबोध भावेला पाहण्यासाठी चाहते नक्कीच उत्सुक असतील.
सध्या सुबोध सध्या ‘अश्रूंची झाली फुले’ या नाटकाच्या प्रयोगांमध्ये व्यग्र आहे. याशिवाय तो ‘AB आणि CD’ या चित्रपटात बॉलिवूडचे महानायक अमिताभ बच्चन यांच्यासोबत काम करणार आहे. त्याचबरोबर सुबोध सोशल मीडियावरही खूप अॅक्टीव्ह असतो. सुबोध दादाची गोष्ट या नावाने तो लहान मुलांमध्ये देखील प्रसिध्द आहे.
