लखनऊ – लॉकडाऊन दरम्यान अयोध्या येथील श्रीराम मंदिर उभारण्याच्या कामाला अनुमती देण्याबरोबर या ठिकाणची साफसफाई करण्याचे आदेश उत्तर प्रदेशचे मुख्यमंत्री योगी आदित्यनाथ यांनी दिले आहेत. त्या जागेवरील तात्पुरते मंदिर आणि सीआरपीएफ शिबिराभोवती लावलेले धातूचे बॅरिकेड्स गुरुवारी काढण्यात आले आणि जागा सपाट करण्याचे काम सुरू झाले आहे. पीडब्ल्यूडीच्या अधिकाऱ्यांची स्थानिक टीम मंदिराच्या बांधकामावर देखरेख करणाऱ्या लार्सन आणि टुब्रो अभियंत्यांशी समन्वय साधून काम करीत आहे.
मंदिराच्या बांधकामाचे निरीक्षण करणारे श्री राम तीर्थक्षेत्र ट्रस्टचे सचिव चंपत राय म्हणाले की, टप्प्याटप्प्याने काम सुरू आहे. ते म्हणाले, “रामाची मूर्ती त्याच्या नवीन निवासस्थानी हलविण्यात आली आहे आणि आता बॅरिकेड्स काढून आणि जमिनीवर समतल करून मंदिराच्या इमारतीत साफसफाई केली जात आहे. मातीची शक्ती परीक्षण करण्यासाठी माती परीक्षण देखील केले जाईल. ट्रस्टचे सदस्य व्हिडिओ कॉलद्वारे बैठका घेत आहेत आणि कामाच्या प्रगतीचा आढावा देत आहेत.
ते म्हणाले की राम कचहरी मंदिरातील ट्रस्टचे कार्यालयही लवकरच पूर्ण होईल आणि लॉकडाउन हटताच ट्रस्ट तेथून कार्य करण्यास सुरवात करेल.
हे ही वाचा – ट्रम्प यांची रोज होणार कोरोना टेस्ट, वाचा कारण…
